Louis Zamperini Amerikalı atletdir. ABŞ-ın olimpiya yığmasında yer alan Zamperini, ölkəsini 1936-cı ildə Berlində baş tutan Olimpiya Oyunlarında təmsil edir. Fəxri kürsüyə qalxa bilməsə də finalda elə möhtəşəm performans göstərir ki, hətta Adolf Hitler onunla tanış olmaq istəyir. 4 il sonra Zamperini, Tokiyo Olimpiya Oyunlarının favoritlərindəndir. Lakin yarışma, II Dünya Müharibəsi ilə üst-üstə düşdüyündən ləğv edilir və Zamperini könüllü olaraq müharibəyə gedir. Sakit Okeanda baş verən bir qəzadan sonra iki yoldaşı ilə birgə həyatda qalmağı bacarırlar və 47 gün davam edəcək bir yaşam mücadiləsi verirlər.