Hadisələr Mars planetində elmi təcrübələr aparılan tədqiqat stansiyasında başlayır. Stansiyada nələrinsə tərs getdiyi hiss olunur. Bütün təcrübələr birdən dayanır və yer ilə əlaqə kəsilir. Yalnız az sayda və heç də ürəkaçan olmayan mesajlar alınır. Stansiyada baş verən bu anormal hadisələrə müdaxilə etmələri üçün qısaca olaraq RRTS adlanan xüsusi təyinatlı hərbi qüvvə göndərilir. Marsdakı tədqiqatçılar istəmədən bir qapını açmışlar və əcaib varlıqların stansiyaya yayılmalarına icazə vermişlər. Artıq stansiyanın hər küncündə qorxunc varlıqlar hakimiyyət qurmuşdur.Bu varlıqların təmizlənməsi çox çətin və qanlı bir hərbi əməliyyat tələb edir.